Главная категория > Культура
Адыгские свадебные благопожелания
(1/1)
amenet:
В журнале "Псалъ" в статье кандидата филологических наук Эльзы Хакуновой "Нысэщэ джэгум епхыгъэ ш1уфа1охэр" (Адыгские свадебные благопожелания" рассмотрены три вида музыкально-неинтонированных жанров свадебной поэзии:
-ш1уфа1охэр (благопожелания);
- нысэ тхьалъэ1ухэр (свадебные молитвы);
- хъохъухэр (свадебно-ритуальные хохи).
Я хочу привести некоторые благопожелания из статьи Э.Хакуновой. Если кто-то знает другие пожелания, то буду рада Вашим сообщениям.
Нысэм пае:
Я1алахь!
Непэ мы сабый ц1ык1оу
Мы джэхашъом къытехьагъэр
Къызыхэк1ыгъэм лъэдэкъэ мафэр къыщинэу
Къызыхэхьагъэм лъэпэ мафэр къыхидзэу
Гъогу мафэ къебгъэжьэнк1э
О сыолъэ1у.
Я1алахь!
Яэтым фэдэу 1ушъашъэу, мэлым фэдэу 1ушъабэу,
Пхъэнк1ыпхъэр ылъэшъоу, унашъор римыхэу,
Игощэ ныожъхэр ыгъаш1оу,
Ипщыпхъу лъэпкъхэр ш1у ылъэгъоу,
Иш1улъэгъуныгъэ к1эч фэмыхъоу,
Бэгъаш1эу гъэш1э к1ыхьэу, насыпыш1эу пш1ынк1э
О сыолъэ1у.
Унагъом пае:
Я1алахь!
Ягъорэ ябжъэрэ зэтемызэу
Узырэ бзаджэрэ къафэмык1оу
Гухэк1рэ гук1аерэ ямы1эу
Ш1угъом фэуузэнк1эу,
Бзэджагъэр 1эк1ыб афэпш1эу
Емык1у къямыхъул1эу
Унэгъо ш1эгъу ибгъэфэнк1э
О сыолъэ1у!
Я1алахь!
Ордэ унэжъэу,
Цужъ ук1ып1эу,
Ик1рэм къырихьэу,
Къихьэрэм къыринэу
"Хэтмэ яунагъуа?" - а1омэ,
мыщ фэдэм яунагъу а1оу ыц1э ра1оу
унэгъошхо пш1ынк1э
о сыолъэ1у!
Я1алахь!
Джэхашъор кушъэу,
Джэныкъор шъаоу,
Къялрэр п1угъош1у 1офтэгъош1оу,
Шъокъэбзэ узынчъэу,
Зэших-зэшиблыр зэшыпхъуищымэ агъэшэсэмэ дагъэк1эу,
Унэгъошхо пш1ынк1э
О сыолъэ1у!
Я1алахь!
Яджэхашъо гъуаплъэу,
Як1ашъо нальмэс-налкъутэр къетэкъохэу
Бгъэунэнхэк1э
О сыолъэ1у!
Журнал "Псалъ" 5 (8) Майкоп, 2008 г. С. 122-123
amenet:
Бысымгуащэм пае:
Я1алахьэу, зы1орэр хъурэ алахь!
Мы бысымгуащэу мыхъызмэтыр зыгъэхьазырыгъэр
Тэк1э 1абэми зыфаер зэригъотыл1эжьэу,
Инысэ ц1ык1ухэм пщым фэдэу зэращэу,
Гуащэм фэдэу щагъэсэу, медырэм хэсэу,
Ы1орэр аш1эу, аш1ырэр адишхэу,
Я1алахь, зэдэбгъатхьэхэу, зэдэбгъэжъынк1э
О сыолъэ1у!
amenet:
Къэзыщагъэм пае:
Я1алахь!
Мы сабыеу къэзыщагъэр
Ц1ыфыбэмэ зэлъаш1эу,
Зымыш1эрэр к1эупч1эу
Къэралыгъом иупч1эжьэгъоу
Унэгъош1эгъу ибгъэфэнк1э
О сыолъэ1у!
amenet:
Къызэрэщагъэхэм апае:
Я1алахь!
Мурад аш1эу зежьэхэрэм,
Ягъогу бзэпсэу, япс щэнджэу,
Зыдак1охэрэм ямурадыш1у къадэхъоу,
Тхъэхэу щыбгъэ1энхэк1э
О сыолъэ1у!
Я1алахь!
Мы нэбгрит1оу зэ1ук1агъэм
Ц1ыфыбэр къяхъуапсэу,
Хъопсагъор янасыпэу,
Жэ джагъо къахэмыхьэу, нэ джагъо къахэмыплъэу,
Бгъэпсэунхэк1э, о сыолъэ1у!
amenet:
Зэблагъэхэм апае:
Я1алахь!
Зэблэгъит1оу зэпэгъок1ыгъэхэр,
Зэблэгъэ зэфэмафэхэу, ясабыймэ ягухахъо алъэгъоу,
Зэдэбгъэтхъэнхэк1э
О сыолъэ1у!
Я1алахьэу зы1орэр хъурэ алахь,
Унэш1у къащыгъаф, унэгъошхо ш1ых !
Бгажноков Б.Х. Черкесское игрище. Сюжет. Семантика. Мантика. Нальчик. 1991
Навигация
Перейти к полной версии