Февралым и 12 илъэс 65 рэ ирокъу Маремыкъуэ Хъусейн, Къэбэрдей-Балъкъэрыми Къэрэшей –Черкес Республикэми и ц1ыхубэ артист, Адыгэ Дунеим щыц1эры1уэ уэрэджы1э лъэщыр.
Дыхуогуф1эр мы махуэшхуэм лъэпкъым ф1ыуэ илъагъу, лъэпкъыр зыгъэгушхуэ, зыгъэдахэ, зыгъэлъап1э зэчиишхуэ зыбгъэдэлъ ди къуэш лъап1эм ик1и дохъуэхъур псауныгъэ быдэ и1эу адыгэ лъэпкъым куэдрэ хуэпсэуну!
Маремыкъуэ Хъусейн и уэрэд жы1эк1эм, и макъ дахэм хуэгъэзауэ Псыхэмыхьэ Мусэ къыбгъэдэк1 и усэмк1э ди хъуэхъум зыдогъэужь.
Уэхъутэ Александр,
Адыгэхэм я лъэпкъ щэнхабзэ автономием и унафэщI.
*********************************************************
12 февраля исполняется 65 лет со дня рождения народного артиста КБР, КЧР, знаменитого певца в Черкесском мире Маремукова Хусейна Биляловича.
В этот знаменательный день мы от души поздравляем дорогого брата, народного любимца, чей талант украшает, прославляет нашу культуру и желаем крепкого здоровья и долгих лет жизни во благо своего народа.
В продолжение поздравления, стихи Муссы Психомахова в честь юбиляра.
Охтов Александр,
Президент Федеральной Национально-Культурной Автономии адыгов
Къэк1уэнум и къру.
(Мерэмыкъуэ Хъусен
илъэс 65 щырикъум хуэгъэзауэ).
Адыгэ мэкъамэм и тхьэгъуш,
Зи макъ гъуэзэджэр псэр зыгъаф1э,
Зигу к1уэдыпари къогъэуш,
Къода1уэр мэхъур лъагъугъуаф1э.
Къода1уэм щогъупщэжри гуауэр,
Дахагъэм и гур зэщ1е1этэ.
Хъуапсэгъуэ нурым иубыдауэ
Къахолыдык1ыр гуп зыхэтым.
Хъыджэбзри мэхъур лъагъугъуаф1э,
Мэлъа1уэ зыгъуэтари гукъыдэж:
Ди Тхьэшхуэ, сомыгъэсу маф1эм,
Тхьэ1ухуд пщащэм зэ сы1угъэплъэж!
Уафэпшэу щыта махуэр нэху мэхъуж –
Уи хущхъуэм ар егъэщ1эращ1э.
Макъамэр къэзыгъэщ1ыр лъэпкъ зэк1ужщ,
Ф1ыр зи жылапхъэу зыхьырщ гъащ1эр.
Лъэпкъ уардэм уэ урикъуэ пэжщ.
Уи зэчий нэхури лъэпкъ дамыгъэщ.
Щыуар нэхугъэм хуэзышэжщ,
Тхьэгъушри поджэжыфри ф1ыгъэм.
Нэхъыжьхэм къытхуащ1а унафэм
Уи макъыр хуохъур джэрпэджэж.
И вагъуэр щоблэри ди уафэм,
Гъуэгу махуэ лъэпкъыр тыбошэж.
Упсэу лъэпкъ уардэр бгъэщ1эращ1эу,
Тхьэм утхуихъумэ макъ жьгъру!
Богъэбжьыф1эфыр уэ лъэпкъ гъащ1эр,
Къэк1уэнум ухуэхъуащи и къру!
Черкесск къалэ, февраль, 2013 гъэ.
http://www.youtube.com/watch?v=uRQRse0G1Sk
