Къэбэрдей / КIах диалектхэр (учим диалекты)

[Амина]

Зыдогъащ1э адыгэбзэм и псалъэк1э (диалект) нэхъыщхьэхэр. Ар Къэбэрдей псалъэк1эмрэ К1ах псалъэк1эмрэщ.
 Диалекхэр а т1умк1э иухкъым.
Щы1эщ бжьэдыгъу, беслъэней, абдзэх, шапсыгъ диалектхэр.
Адыгейм нэхъыщхьэу щалъытэр к1эмргуей диалектыращ Аращ лъэпкъ телевиденэр, газетхэр зэрылажьэр, еджап1эхэм зэрыщеджэр.
Къэбэрдейм, Черкесым апхуэдэу я1эр къэбэрдей диалектырщ.

[Амина]

Мыр къэбэрдей диалектым и хьэрфхэращ



мыр к1ах диалектым и хьэрфхэращ

[Амина]

Япэ IуплъэгъуэкIэ къэбэрдей алфавитымрэ кIахымрэ зэрызэщхьэщыкIыр мы хьэрфхэращ:

кIахым:

Дзу

Жъ

Жъу

ПIу

ТIу

Шъ

ШI

ШIу

къэбэрдейм:

Кхъ

Кхъу

[Амина]

Зэрытлъагъущи, зы лъабжьэщ яIэр диалектитIми - АДЫГЭБЗЭРЩ. Къэбэрдейм кIэмыргуей псалъэкIэр зэхихмэ: "къызгурыIуэкъым", - жеIэ и нэхъыбэм. Ауэ зыщIэдэIукIмэ ар къыгурымыIуэну Iэмал иIэкъым. Лъабжьэр щызыкIэ.
Мыбдеж урок (дерс) зэгъэуIуахэр ттыну аракъым, ауэ бзэм и диалектхэм нэхъ къыщагъэсэбэпыр, псалъэхэм я тхыкIэр, жыIэр зэрызэтекIыр е зэрызэтехуэр къыхэдгъэщынщ. Щхьэпэ къыфхухъумэ, ди гуапэщ. Хэт сыт хуэдэ къыхэлъхьэныгъэ иIэмэ, ар нэхъ гуапэжщ.

[Емуз]

Тыркум ис адыгэхэм дижагъуэ зэрыхъущи трэжыжэщ мы алфавит 1уэхум.Ар амал зимы1э 1уэхуу зэрыщыт къудейр къызыгуры1уэр мащ1эдыдэщи.Хъуну щытым т1эк1у зэдгъэщ1эну дызэлэжьхэм папщ1э макъхэр къозыт програм щ1эуэ сыхуейт диалектит1ыми щхьа.

[Амина]

Емуз, къызэрызгуры1уамк1э, хьэрфхэм я жы1эк1эращ зи гугъу пщ1ыр. Хьэрф къэс къызэры1ур зэхыуигъэхыу, сщ1экъым. Ауэ зы программэ гъэщ1эгъуэн щы1эщ, псалъэхэр къызэрыбупсэлъыр требгъатхэфу. Уэ ухуемэ требгъэтхэфынущ. Мис ар http://www.forvo.com/languages-pronunciations/kbd/alphabetically/ - къэбэрдейр.
http://ru.forvo.com/languages/ady/ - к1ахыр

[Амина]

Ц1ыхуит1 зэхуэзэмэ, ф1эхъус зэрах.
Псалъэм папщ1э къэбэрдейм къыбжи1энуш:

УИ ПЩЭДДЖЫЖЬ Ф1ЫУЭ

УИ МАХУЭ Ф1ЫУЭ

УИ ПЩЫХЬЭЩХЬЭ Ф1ЫУЭ


К1эмыргуем мыпхуэдэу ф1эхъус къызэрыуихынур:

УИ ПЧЭДЫЖЬ Ш1У

УИ МАФЭ Ш1У

УИ ПЧЫХЬЭ Ш1У

[Амина]

Зэрытлъагъущи, къэбэрдейм къагъэсэбэп хьэрф "Ф1" и п1эк1э к1эмыргуейм "Ш1У" жа1э.

къэбэрдей "ХУ"-р к1эмыргуейм "Ф" щохъу

[Амина]

Псалъэм папщ1э 

къэбэрдей                                                              к1ах

ХУАБЭ                                                                     ФАБЭ

МАХУЭ                                                                     МАФЭ

ЦIЫХУ                                                                     ЦIЫФ

МАФIЭ                                                                     МАШIО
 
ФIАНЭ                                                                     ШIУАНЭ

ФIЫ                                                                         ШIУ