Макъыбэу зэрылъэлърэ,зэхэпха нэужьк1э гум ехуэбыл1э,жьым щигъэшэрыуэк1э уэгум удэзыхьей,щ1эм къыщигъэ1ук1э узыгъэгуф1э,Сосрыкъуэу нартыр уэркъэ зыгъэусэр!!!Сэтэней дахащэ уэркъэ-т1э и фащэр!!!Мэлэчыпхъу и жьабзэр уэркъэ зыщ1ыр 1уэры1уэдз!Хамэ щ1ып1э ис лъэпкъэгъухэм уэркъэ нобэ епсэлъэфыр???!!!СИ АНЭБЗЭР УЭРЩ,си япэ псалъэр зейр уэращ,нобэми УЗИ-БЗЭЩ,уэ уздобзэрабзэ,лъэпкъым ури-набдзэщ,узт-АДЫГЭБЗЭЩ!!!
Нэгъуэщ1ыбзэм укъытек1ами,хуэм-хуэмурэ уи "1эпкълъэпкъыр" зэрыубыдами,псом уралейщ,си Адыгэбзэ!!!Укъыздалъхуащ,си джылъхэм щежэщ хъугъэпсым ухэшэпсыхьащ,Балъкъ псыхъуэ уэрэд куэдрэ къыщызжеп1ащ,хъыбарыжь мымащ1и "сыхэбгъэпсэухьащ".Нобэми узи1эижьщ.Си гупсысэр уэпхащ.СИ ГУГЪАП1ЭР УЭРАЩ!!!
СИ АДЫГЭБЗЭ!!!
Си бзэ дахэ!
Адыгэ лъэпкъым и гъусэ пэж!
...Жьабзэу укъэ1умэ-пшынэ дыкъуакъуэр 1эпипщ1ым телъщ,тхыбзэу ущытмэ-гупсысэ инхэр уи псалъэхэм ящ1элъщ!Нобэр къыздэсым укъызопсалъэ,уэ сыбогъэгуф1э!
Пщэдей махуэр бзэм хухахащи,сыщейщ къэбгъэщ1 дунейм дыгъэм и бзийхэр хуабэу тепсэну,дахагъэу щы1эр гуэгъу пхуэхъуну,Адыгэ лъэпкъым и набдзэу ущытыну!!!Жа1энк1эри хъунущ-арейми,уи бзэщи аращ ущ1ытетхыхьыр!!!Ари хэлъщ,ауэ хэт и бзэ мыпхуэдэ псалъэхэр зыгъэ1уфынур,ц1ыхум ехъуэхъуфынур?
-Ди 1уащхьэмахуэри
Мамыр тхьэмадэу,
Мыдэк1э къуршхэри
Ф1ыгъуэм и пхъуантэу
Адыгэ унэри
Дуней хъуапсэгъуэу,
Нарзаныпс къабзэри
Дэ ди хущхъуэгъуэу,
Гъавэм и бэври
Лъэпкъым къехъул1эу,
Адыгэ пшынэри
Дэ ди 1эпэгъуу,
Пщащэу зи ишэгъуэри
Тхьэ1ухуд шырхэу,
Щ1алэщ1эу ди1эри
Нартыжьу хахуэу,
Ди нэхъыжьыф1хэри
Хабзэгъэлъагъуэу,
Ди унафэщ1хэри
Лъэпкъым хуэлажьэу,
Ди Адыгэбзэри
Ди къэралыбзэу,
Ди бзэр дгъэлъап1эрэ
Ди щхьэри лъап1эу,
Зэман къэк1уэнури
Дэ тхуэхъумэну,
Дыгъэм и бынхэр
Къытхужа1эну
Ди Тхьэшхуэм жи1э!!!
Мыпхуэдэ зыгъэпсыфынур си АДЫГЭБЗЭРЩ!!!
Си Адыгэбзэ!
Си бзэ дахэ!
Зы1эт,еф1ак1уэ!!!
