Турхан Еутых Блогер - Турхан Еутых

Хэку хъакIэхэр
Пятница, 21 февраля 2014 г.
Рубрика: Блоги
Просмотров: 2355
Подписаться на комментарии по RSS
Зиунашхьа набжьэхэр къетэкъохыжыгъэу, чIым хэуIубэжьыгъэу, етIэфыпсджэ зэчIэяхьыгъагъэ блынхэм, етIэфэр къятэкъохыжьыгъэу, етIэплъэр къябэчIыжьы. ЕтIэ цIынамэр къызэрыурэ унэ джэхашуэм, IутIэныжъ хъынтагъэхэр ярыдзагъ. ПIуаблэр зытемылъ чIыпцIэри, къумгъан быдзыпэм къичъырэ псымджэ ягъэчIэрэчIагъэу блын чIапэхэр, чэм-чъуе зыхэлъ етIапцIэмджэ зэчIэяхьыжьыгъэх. ПIэкIорым ятелъ мэкъъу шхьантэхэр, ятехьуагъэ хэдыкIыгъэм, ятедзэжыгъэ хъагъэм къагъэкIэракIэ. Илъэ темыучъуэгъапэу, лъэпэрыкIом чIэгушIоу фежэгъакIэ сабиер, мэкъушхьантэм якIэрытэу, пIэкIорым тет. Ныор лъэгум еIыстэхыгъэу, сабийым къыфычIэплъызэ, цы лъэпэд фызэхехъынтэ.
Хьамэшъым къехыжьыгъэ лIыжъэр, фыркъъо сапэм зэчIиусэягъэу, хьабаозэ къычIэхьажьы.
 
-Орба? Мэу шхыупс тIэкIу къысфэутэшъ, сигу зэIупкIагъ, янэ егъэлгъожь мы тэ тызхэтэр гъашIэ мыхъун, дыра сэIо мыр, тхьам къигъэшIыгъэ жьы тIэкIори фитэу зыIутщэн тлъэкIырэп, тыжи тыпи фыркъо сапэм икъудагъ.
 
- Олахьэ бэу шIэхэу къыбгурыIуагъэм, а узхэт гъашIэр.
Лъэпэд мастэмджэ ишхьа хэпIэстхъахьыжьызэ, еIошъ дэхьащхы ныор ыгуджэ.
 
- Адэ шхьам шIэныгъэ имылъым нэкIэу къэнэта? Сапэми, фыркъоми, зыгорэм икудэт,-еIо.

- Хъугъэ зыкъысIупшIытIахьэу уимытэу, сIорэр шIэ.

- Мары мыр нэсэгъэси, къэсхъын ори жьы тIэкIу зыIугъахь, нысэм тэ нигъэсыгъа,  Иухын ыгу хэлъба утхынзэнэр?
 
- Иухыгъ шъыу, дзыом рагъахъо коцэр, мыщ къъамыщэу, лъэсапIэм ращэхынэу яIо.

- Адэ дэгъуба зашIэу яшIэмы, нахь псынкIэу зэшуIэкIыных.
 
-Шхьалым кIотхэм къачIэрымзэу ядэкIуагъэет, изакъоу къанэмы гугъу ехьыт. Гъэгор дэгъэзыегъу зэпыт, цумэ сашыгугъурэп, дамышыкъом зыгорэхэр кIыгъум нахьышуI. Удэ пчъэм еплъ, зыгорэ къытео.
 
- Хьаджэр чIэса?

- КъакIо Хъасан, къеблагъ къычIахь.
 
- Хэкум къикIыгъэу хьакIэхэр сигъус, хьаджэр зэдгъэлъэгъун яIо фит тьыкъишIымы.
 
- А тхьа къысэмыуи Хъасан, тьызэхэтэкъожьыгъэгущэу тефагъи адэ, къегъэблагъэх нэ тэ шыIэхадэ, хьакIэхэр Iэгум къыдэунэ хъуна сикIал? Къегъэблагъэх, псынкIэу къащэх.
 
- Мары моджэ къотых.
 
- Хьаджэ, а хьаджэ, хэку хьакIэ тиI. КъакIо нэ, къакIо сипсэ зикъормэн, шъуеблагъ шучIахъ.
 
- О шъуеблагъэх, о шъуеблагъэх сшынахьыкIэхэр, къакIо сшынахьыкI къакIо мэу къэIыст. Русем шукъекIы ара?  Фэсапшъ яIотыгъ арыба адыгэм.?
 
- Русеп хьаджэ, къафкъасем къекIых хьакIэхэр, мыекъуапэ къекIых.
 
- Сыд къуaпэ пIуи?
 
- Мыекъуапэ.
-
- АрыIош, сэшнахьышуIоу ошIэба о, русер ары къыздикIыхэрэр.
 
- Ашъыу зэ кIалэхэм зы жы яIугъахь, шузэнэкъокъоу шъуфемыжь, а сикIал шукъыздикIыгъэр, хэкор арыми къыжьэ шъукъекIы, шIукIае хъугъэщтын шукъыздэкIыгъэр, щэламэ шъуигу къэкIыгъэнджи хъун арыба, щэламэ шIуфэсшIына? Хъауми шуигу къэкIыгъэу нэмыкI зыгорэ щыIэмэ шIумыушъэфэу къашIуо, шIузыфаер шIуфэсшIын, зыжугъэхымэу шIущымыс.
 
-Тхьауегъэпсэу о узэрэфаеу шIы, тэ зэхэдз тиIэп, орджэ нахь псынкIэ хъутэр шIы, бащэри тыщысын тлъэкIытэп. Сыд фэдиз нэбгырабэм тафэзым, тэрджэ ар нахьышIуоу тыхаплъэ, тилъэжыгъэ дгъэкIуатэм тигуапэ хъут.
 
- Ары адэ сикIал, ары шIулэжьэн фай шыпкъэ, афэдиз гъэгор къызыпкIугъэджэ уиIоф бгъэкIуатэм нахьыщуIын адэ.
 
- Адэ Хъасан уигъусэм яцIэ къытэпIуагъэпи, тэри гушаIэм тыхиублахьыгъэу такIэупчкIэрэп, адыгагъэм къекIурэп мы тшIэрэ.
 
- Ары, Хъаджэ шыпкъэ, сыщыуагъ емыкIу сшIагъэр къысфэгъэгъу, хьакIэхэр Ммыекъуапэ икъуаджэу Аскъэлае щыщых, мыр Хъарат ТIахьир, мыри Хъурат Тимур, унивэрситетым къигъэкIуагъэх, хамэм яхэс адыгэм япсэукIэ яшыIакIэ къызэжъугъашI. Ябзэ, яхабзэ, яшIэжэу мэпсэуха? Якъэбархэр къэшъутхыжьи къэшъухьыжь аIуи.
 
181609_188703304497589_3448936_n


















- Адэ дэгъуба адыгэ ягъотыжьэу, икъэбар ятхыжымы, тэри зэдгъэшIэжын зи мыхъум. арба сикIал, тэри къытэшъутыжьына къэшIуугъойыхэрэр, тымышIэрэ зэдгъэшIэжьын, е о ой, е о ой, адыгэ адыгагъэ тэдэ шыIа шIоу ахэр, тэ къэнагъа, зэ тызэфэзыжьына шIуоу, ы сикIал?

- Хъаджэ, иджы кIалэмэ упчIэ тIэкIу яI. КъыомыхьылъэкIытымэ.
 
- Дэгъуба яIэмэ, сшIэрэ щыIэмы ипэгъокI ястыжьын ау, сымышIэрэмджи сырагъэзынэп арыба?
 
- Ары Хъаджэ, уедгъэзынэп егъэзыгъи хэлъэп, тиупчIэм язэр мыры, хэкум къикIэу мыщ къэкIуагъэм, якъэкIуачIэ, хапIэ яфэхъугъэ чIапIэхэр, мыщ шагъэшIагъэ гъашIэм, яшхьа къырыкIуагъэр, зэхэпхыгъэу пшIэрэм фэдизджэ тэбгъэтхыжьым тигуапэ хъун, уфемыжьэ ипэ, уицIэ уилъэкъуацIэ, къапIом мыш тыресэгъащэшъ ары.
 
- Ы тыресэгъащэ оIуи, адэ кIал къапIо хъутагъэба? Бойлэ олмаз, хъуна мыр. мыхъун горэ къэсэIуи адэ, дыра зэрэхъутэр, олмаз бу олмаз, ар ба Хъасан, ар хъуна чыначI.
 
- Мыхъун къапIом ялъэчIыжьыт Хъаджэ, къапIорэ зэкIэ тыратхэтэп умыщт.
 
- Сыщтэу арэп ау, сшIэн фаеба, симакъэ тырашъэмы арба?
 
- Ары ары пшIэн фай адэ, шыгъупшъагъ къыуиIонэр.  Къысфэгъэгъу Хъаджэ къэсIуагъагъ ау, гущаIэр къебэкIи уигу къинэжыгъэп.
 
- Aра? Арымы хъун сикIал сэ, сызщыщэр ФэшIыгъэмкъохэр ары, сицIэ Мустаф, сятэ ицIэ Стыгъап, тятэжъ Жъуэкукъо раIотьыгъ, тэтиехэр заор ямыухы ипэ, ку ибгъуджэ къежьэхи, япшылIхэри акIыгъоу, мэу мы къочIыпIэ лъэныкъомджэ, мы тыркум, Карс зыфаIорэ лъэныкъомджэ къакIохи, мыщ  япэ дэдэ къыдэтIысхьагъэх. Мы къуаджэу плъэгъурэ зэкIэ тэтием яягъ, къаIожьэу зэхэсхыгъэр ары синэрылъэгъу пшуэшIа, сыпцIымы къуаджэми шуяупчI мары, арба Хъасан, иужым тэтием мыщ удэсы хъуна яIуешъ, Истанбул пэджахьымдэжь кIуагъэх, ар лъэшъэу янэIосагъ тэтием, арыти ригъэблагъэхи, мэзищэ къыхьэкIагъэх, иужьым мыр мэуштэу хъунэп яIуешъ, ежьым унэ зэхэт зышызыплI къащэфи дэтIысхьагъэх, ти а къащэфыгъэ унэхэр яугошын зэхъум, тятэжь къыратыгъэ унэр игу римыхьэу, къэгубжи къахэкIи мыш къэкIожьыгъагъэу, къаIожьы. А, гуплъым хэтэу, шхэн ешуэным зырити, иахъщи, ибылыми, зэкIэ IэчIэшхахьыжьыгъ. Тятэ къыфигъэнагъи шымыIэу арыти, адэ умылыжьэу дэу упсэута? Тяти къуаджэм Iэхъо, мэлахъо, иIозэ тэ къытэплъыгъ, типIугъ, тилэжьыгъ, мы ныбжьым тыкъигъэсыгъ, тхьам джэнэтэр къырэт.
 
- Амин Алaхьам шIуэ хьайырджэ шукIэлъегъэпсэу, адэ адрэхэр дэу къэкIуагъэха?
 
- Хэта адрэхэу зыфапIорэр?
 
- Шуикъоджэгъухэр шуигъунэгъухэр сэшIа мышъ дэсхэр ары.
 
- Ы, ахэр бащэ шIагъэп къызытIысыгъэхэр, тэтием къялъэIугъэхэти мэу хэпIэ тIэкIу къытэшIут яIуи, тэтиеми а зыдэщысхэр арати къагъэтIысыгъэх, иджы пхъатэ тызпахьыжьырэп.
 
- ШIуэуха? анэр къэсхьын сэIошъ ары.
 
- Къахь адэ сэIо, тымыухыми хъун анэр къахь, кIалэхэр мэлакIэ лIагъэх штын.
 
- Хъау мэлакIи тылIагъэп ау, кIо хъазырмэ тышхэн, тымыгужъуэм нахьышуIы хъун тэрджи, адэрэ къуаджэми тыкIом зыгорэм тьафэзым дэгъу хъун.
 
- Хэта узфэзынэу дэсэр ащ, зыгорэ зышIэу зыIотэжьын ащ дэсэу сшIэрэп. Арба Хъасан, хэта дэсэр.
- Олахьэ сымышIэрэ Хъаджэ, о нахь пшIэн, о зыгъэгу тэбгъэлъэгъум ашъ тытетын.
 
- А Хъасан аннэ мы Iэнэлъакъор мэу къэгъэучIуба сикIал, тхьауегъэпсэу сикIал аннэ а зянэ зикъурмэн емыкIу къысфэшIумышI, тэрэзэу сыупшэрахьын слъэкIыгъэп, нысэри хьамэшым тет щуэри шухамэп ннэ, сикIалэм шIуафэд, мэгузажуэхэти шхъалым кIонхэу нысэр иIоф къыпэсщыгъэп. ЗышIумгъэхьакIэу шIоу шIушх, шIумыукIыт, Хъасан ори я щайхэр къафигъахъозэ шIы сикIал, сэ пытымджэ сышыI. Шэламэр шIуухым шIукъадж хъунба Хъасан?
 
- Хъун сэ сыкъэджэн, умгумэкI о.
 
- Ашъыу хъугъэ кIо зэ уздэкIотым уиIоф еплъ о щаери зыгорэу хъун, арба ТIахьир ТIахьирыгъ арба пхэнджэу къэсIуагъэп пцIэ.
 
- Ары Хъаджэ тэрэзэу къэпIуагъ ТIахьир сцIэ.

- Адэ ТIахьир мыр шIуэшIа дыра мыр, тэ мыщ  мэтэ къуае етэIо, шIо дыра ешуIорэр мыщ. 

-Тэри ары тIорэр Хъаджэ мэтэкъуай тэIо тэри.
 
- Ара?

- Ары Хъаджэ.
 
- Адэ ТIахьир зыгорэджэ сыоупчIыт да шIуэ тыркубзэ зыкIэшIумышIэрэр сыд фэдэу шу адыга шуэ тыркубзэ зымышIэрэ адыгэ хъуна? 

- Адэ Хъаджэ шIо да урысыбзэ зыкIэшIумышIэрэр.
 
- Русыбзэ пIуи Алахьам ерэмыд сшынахъыкI.  Русыбзэм да есэбгъэшIэтэр.
 
- Адэ Хъаджэ тэ тыркубзэм да етэбгъэшIэтьэр арыбы?
 
- Ыыы олахьэ сшынахьыкIэр узафэм ори, шъыпкъэ пIорэ, сэ зи ауштэу сэгупшысыгъэп. Иджыри зы упчIэ сиI сшынахьыкIэ.
 
- СыкъэдаIо Хъаджэ сэшIэмэ ипэгъокI остын.
 
- ШIо ащ адыгабзэджэ шIущеджэн шIолъэкIа? Дэуштэу зэшуэгъашIа адыгабзэр хьауми шIори тэщфэдэу зышIоушъэфа?
 
- Тэ еджапIэхэр тиIэх Хъаджэ  унивэрситетым тыщеджэ, тибзэджэ тхылъхэр къыдэкIых, ахэм тяджэ тэтхэ.
 
- Олахьа ар бэу дэгъум, ар лъэшъэу сигуапэ хъугъэ сшынахьыкIэ, ар дэгъу дэд, тэ тиунэ тыщагъэгушъэIэжьытыгъэп сшынахьыкI. Пчъыхьэрэ къытагъэдэIутыгъэхэти, тызыгущаIэджэ пчэдыжьым егъэджакIом тыраIожьыти, укIыкIаеу тырагъэукIытыгъ.
Архивы
«« Август 2025 »»
ПнВтСрЧтПтСбВс
    123
45678910
11121314151617
18
192021222324
25262728293031
Вход для зарегистрированных пользователей
Забыли пароль?
вход
Регистрация