2006-2007 илъэсым азыфагу сянэшэу Шагудж Арапыр дунаем зытек1ыжьыгъэр заулэ хъугъагъэ. Ахер Дзыбэ Херлахэ иунагъо дунаим тет анахь дахэ хъурэу ц1ыф мак1эп ахэтыгъэх. Тянэшы Арапым ишхьагъусэ Нуриемрэ икъоу Элчинмрэ къехъугъак1э и пшъашъэ ц1ык1у зыдэгъэлъэгъунэу тык1огъагъ.
Дунаем ехыжьыгъэм тыфэгущы1э зэхъум тинысэ Нурием "Ахери сыда?" ы1уи зэрихабзэу гущы1эр иубытыгъ.
- Шъуанэшыр дунаим зехыжьыгъэ мафэм тиунэзэтетым типчъэ упэ ут унэм чъэс шхьэплыжъ шъузабэ гъунэгъур игъык1э шъулъэгъугъэмэ, умыш1эмэ ежь ишхьагъусэ лъагъэ фэдэу гъыгъэ. Сыдмий хъалъабалыкъыр зэбгырик1 иуж к1ожъыгъэ, тэри тэрэу тыкъызфэнэжъыгъ. Мы шхьаплъыжь бзылъфыгъэ шъузабэр ехьаусхак1о тиунэ къызэк1ом ес1уагъ: "А сиунэгъур, Арапым фешъык1э узэплъик1э сэй нахъыбэу уфегъфгъ, уигуи къебгъэуагъ. Сыд фэсш1ык1э мый фэдизэу о угу къызк1эбгъэуагъэр?"
Ар с1уи сызеупч1ым къыси1уагъ:
- А сиугъунэгъо, пшърэп о, сэ зэ ай лъэхъан мафэ горэм шъуиунэ хъак1эу ситыгъ. Унэм хуршитф немычэу ахъчэу къыш1уфэмынэжьыгъэу зы хъалыгъу къыщэфынэу Арапым ептыгъ. Тучаным бгъэк1уагъ. Сэ балконым сытетэу Арапыр тиунэзететым ик1эу слъэгъугъ. Тучаным к1о пэтрэ, ипэпсыхэр къич1эу, гъыныр риублъыгъэу, мороженэр гъогу асфальтым тыригъефагъэу зы шъаоц1ык1у горэм пегъок1ыгъ. Шъэоц1ык1ур сыд фэсш1ык1э зэрэгъырэм зеупч1ым, ащ къыри1уагъ: "си мороженэ с1эпыхъущтыгъ къэсщэфынэу пэмык1 ахъчэ, ай сыфэгъы. Бэрэуи себзэишъугъэп".
Арапым ри1уагъ: "Ащ пайк1э сыда угъырэ сик1ал. Мары сэ къыпфэсщэфынба". Тучаным ч1ахъи мороженым къыщэфи къыфихъыгъ. Сабыйим гъыныр хинэжъыгъ. Игопэдэдэ хъуий, гуш1ом хилъэсагъ, игуапэ зэрэхъугъэр плъэгъун фэягъ. Сэри сыгуш1уагъ: "о джы унэм тафэдэу укъихьажьыщт. Нурием о тафэдэу мы хуршитфыр бгъэк1уагъэ ы1омэ, нэк1эу тыкъэбгъэнагъ ыощтыба. Унэр уишхьэ къырилъхьаныба, с1уагъэ.
- Аллахь, Аллахь, с1уагъэ згъэш1агъозэ. Арапым инапцэхэр сэй фэш1ык1э зэхэхьагъэу ныбжьи слъэгъугъэп. А хъугъэри къесш1эжьыгъ. А лъэхьаным ренэу тихабзэ зэрэхъоу "Орохъу, Арап, дэгъу пшъагъэба. Зы сабыйир зы мороженэ 1эпызэгъэ фэшъык1э бгъэгъыныр ек1уна",- ес1уагъ.
- Иужык1э тек1у теш1эмэ сипчъэ укъытеунэу, зы хъалыгъугорэ къэпщефын ахъчэ чъыфэ с1ыпхын, е мыхъумэ зы хъалыгъу уфаеу укъэк1онэу сыпэплъяагъ. Ет1анэ сэри уигубжыгъэр тезгъэунэу сежагъ. Ау шъуиунэ макъи-дакъи къыземык1ым, зезгъэгъапи сыкъытеуагъ шъуиунапчъэ. Шъуиунэ гукъао афэдэу зэримылъыри слъэгъугъэ. Нэпчы шъузэрэмышъыным фэшък1э сыжэ зэусхыгъэп. Зыт1эш1эм Арапым изек1уак1эрэ иш1ык1эрэ зезгъэш1эным иуж сихъагъ. Згъэнэфагъэр мыры: Арапыр шъыпкъэдэдэу дунаим тек1ыжьыгъэхэ пегъумбархэм ащыщ. Алахьэм ар гъэбылъыгъэу тэ гъунэгъу къытхигъэхъагъ. Тэ тызтет хэукъоныгъэхэр тымышъахэу тегъаш1эх, урок къыхэтымынэу, тэрэзэу гъогум тыкъытехьан фэсш1ык1э. Иужырэм шъуиунагъом ренэу сеплъэк1оныр сыублъагъ. Слъэгъугъэхэр, сызыук1агъэхэр сэ нахь пытэ сиш1ыгъ. Гъунъэгъу Арапыр динымк1э зэрихьатыгъэмрэ мылъэжьын зэрэхъугъэмрэ сщыхъугъ. Зэрэлъагъэр зысэлъэгъум сш1ош1 дэдэ хъугъэп. Арап фэдэри мэлъэшъумэ с1уи сыгъыгъ Сигъунэгъур. Ащ фэш1ык1э бэрэ сыгъыгъ.
Тхьэм Адыгэ Хабзэм рикозэ дунаим тетыфэхэк1э тек1ыжьыгъэхэу Щагудж Арапымрэ, ишхьэгъусэу Нуриемрэ рахмет къарет, джэнэт аферэгъэпс.