Iуащхьэмахуэ уэсу телъым

Жэщи махуи  нэпсыр щIож.

ЩIым и бынхэр щIикъухьащи,

Магъыр ар имыщIэу еш.

Сыт ди лажьэр? Ди Хэкужьыр

Дымылъагъуурэ долIэж.

Дынэшэж уи деж нэхъ псынщIэу,

Адэжь лъахэу Къабэрдей.

Iуащхьэмахуэ дымылъагъуми

Я нэхъ дахэу щIэтщ ди нэгу.

Хамэ щIыпIэм дыщыпсэуми

Дырогушхуэ - ар ди Хэкущ.

Сыт ди лажьэр? Ди Хэкужьыр

Дымылъагъуурэ долIэж.

Дынэшэж уи деж нэхъ псынщIэу,

Адэжь лъахэу Къабэрдей.

 Ди анэ дахэу ди Хэкужьыр,

Ди нэхъыжьхэр димыIэж.

Хамэ щIыпIэм дыкъомынэу

Дыурибынкъэ, дынэшэж.

Сыт ди лажьэр? Ди Хэкужьыр

Дымылъагъуурэ долIэж.

Дынэшэж уи деж нэхъ псынщIэу,

Адэжь лъахэу Къабэрдей.