Зэфэдэныгъэм к1эбэныхэзэ
Банэм фежагъэх адыгэ бынхэр
Бжэдыгъу къоджиблым зао яублэ
Машъу1эм зэлъещтэ адыгэ ч1ылъэр.
Зыгъэл1ык1эми игъэл1ык1эми
Хъурэ ямыщ1эу загъэик1агъ
Бжэдыгъу фэкъол1ым загъэл1ыхъужьэу
Лъэпкъым ил1ыщхьа ягъэик1агъ.
Пщэри оркъэри фэкъол1ышъу1эри
Урыс пщышъухоим иунэ1ут
Ящхьа ялъытэу къашъу1эщ1ыжызэ
Зэрэхэгъэгуи ягъэпыут.
Бжэдыгъу фэкъол1эу къиуцук1ыгъэхэм
Абдзэхэ л1акъор къапэуцужы
Къагъэблыгъэхэу хамэ лъэпкъыхэм
Адыгэ л1акъор зэрэуык1ыжы.
Зэо мыухыжым хэтыгъэщ адыгэ
Нахь пасэм ук1ом бзыикъо зау
Хэкум шыхъугъэ зэо мыухыжым
Янахьы 1аеу янахьы гуау.