Лъагъуныгъэ Уэрэд

Сэ уэ узэрыслъагъурэ

Уи мафlэм сэ сесыр.

Согъыри - соукlытэ,

Сымыгъщи - сызэгуоуд.

Мы дунеижьышхуэм

Жагъуэгъу щызикуэдщи,

Си дахэкlей,

йеу мыгъуэ, сыунэхъужа мыгъуи сэ.

Си шы гъуэжь цlыкlури

Кlэбдзкlэрэ согъатхъуэр,

Уи лъагъуныгъэми

Сэ сигъэтхъуа мыгъи сэ.

Жагъуэгъу зимащlэм

Сыту и насып!

Си дахэкlей,

си гущхьэр къытебэга мыгъуи сэ.

Мо ди lуащхьэжьыми

Дыгъэр кlэредзэри,

Сигу укъыщыридзэкlэ,

Мафlэр къысщlонэ мыгъуэ сэ.

Лъагъуныгъэ мафlэр

Сыту къэрууфlэт,

Си дэхэкlей,

яжьэ сыхъури сылъэлъэжа мыгъуи сэ!

Мо дыгъэ бзийхэри нэм къыщlоджэгуэри,

Джэгум укъыхыхьамэ мы си гур схуэмыубыдыж.

Лъагъуныгъэ щэхур нахуэ къысфlэхъунущ,

Си дэхэкlей,

йей мыгъуэ, схуэмышэчыжыну мыгъуэ сэ.

Гъатхэм и дэхагъэм

Цlыхупсэр дехьэхыр,

Сэ си псэр дэзхьэхар

Жагъуэгъум сфlагъэкlуэдай.

Сызэгуэмыудыпэу зэ сыныпlуплъэжтэм,

Си дэхэкlей,

дуней кlыфlыр нэху къысщыхъуну мыгъуэт сэ.