ЦЕНТР им. ЖАБАГИ КАЗАНОКО ОТМЕТИЛ 20-ЛЕТИЕ

КЪАЗАНОКЪУЭ ЖАБАГЪЫ И Ц1ЭР ЗЕЗЫХЬЭ ЦЕНТРЫР ИЛЪЭС 20 ИРИКЪУАЩ

Къэбэрдей-Бэлъкъэр республикэм и къалащхьэ Налшык иджы  7  щызэхэтащ«Радуга чудес» зыф1аща, зэчий зыбгъэдэлъ      сабийхэм  я фестиваль.  Ар теухауэ щытащ Къазанокъуэ Жабагъы и ц1эр зезыхьэ центрыр илъэс 20 зэррикъум. Фестивалыр 1ыхьыщу гуэшауэ щытащ. Ар  «Путь к танцу»  къафэмрэ уэрэдхэмрэ зыхэт гъэлъэгъуэныгъэмк1э  къызэ1уахащ, иужьк1э  центрым и иджырей  гъэсак1уэхэм зыкъагъэлъэгъуащ.

Къазанокъуэ Жабагъы и ц1эр зезыхьэ центрыр илъэс 20 зэррикъым теухуауэ,  сабий зэчииф1эхэм я фестивал «Радуга чудес» зыф1ащар Налшык щек1уэк1ащ.  Илъэс 20-к1э узэ1эбэк1ыжмэ къызэ1уахащ лъэпкъ культурэхэм я школ. Абы   ф1ащат адыгэ лъэпкъым къыхэк1а ц1ыху 1ущ  Къазанокъуэ Жабагъы и ц1эр.   

Фестивалыр щек1уэк1а Щоджэнц1ык1у Алий и ц1эр зезыхьэ адыгэ къэрал драм театрым ущыщ1ыхьэм деж щызэхаублат,   гъэлъэгъуэныгъэ, центрым щеджа  сабийхэм ящ1а лэжьыгъэхэр къыщыгъэлъэгъуауэ. 

«Центрым и  мурад нэхъыщхьэр – ди лъэпкъ культурэр къэдгъэщ1эрэщ1эжыныращ. Нобэк1э ди  лъэпкъым и культурэ къулейр  тхъумэн, дгъэбэгъуэн, ик1и ди иужь  итхэм я деж нэтхьэсын хуейщ. Ик1и сэ къызэрысщыхъумк1э, ар нобэ  дэ  къыдохъул1э, ик1и дяпэк1и къыдэхъул1энущ» - къыжи1ащ Къазанокъуэ Жабагъы и ц1эр зезыхьэ центрым и унафэщ1 Къуныжь Айшэт.    

Мы зэманым  къриубыдэу центрым студие 35 и1эщ. Абы щолажьэ егъэджак1уэу 39, абыхэм  махуэ къэсыхунк1э  ирагъаджэ  сабий    870.

Абы къыщынэмыщ1ауэ, центрым иджыри отделит1,  творческэ зэгухьэныгъэу 57, клубищ, ик1и ансамблит1 щолажьэ,. 

 Авторри адыгэбзэк1э зэзыдзэк1ари Къэтей Муаед

Къалмыкъ Юрий и ц1эр зезыхьэ Шэрджэс фонд «Адыгэ»