ДЕБЮТ УРОЖЕНКИ КБР НА ОПЕРНОЙ СЦЕНЕ

КЪЭБЭРДЕЙ- БЭЛЪКЪЭРЫМ   ЩЫЩ УЭРЭДЖЫ1АК1УЭМ  ОПЕРА СЦЕНЭМ ЯПЭ ЛЪЭБАКЪУЭ  ЩИЧАЩ

Мэлыжьыхьым и 14-м Бытырбыху и опера сценэм япэу уэрэд щыжи1ащ КъБ-м щыщ Жданович  Маргарита . Ди къэралым и  щхъэрэ къалащхьэм Римский-Корсаков и ц1эр зезыхьэ и консерваторием и 4-нэ курсым щеджэ студенткэм игъэзэщ1ащ Чайковский  Петр  и «Иоланта» оперэм  Бриггитэм и партиер. Концертыр  Рубинштейн Антон и ц1эр зезыхьэ пэшышхуэм щек1уэк1ащ.

Къэбэрдей-Бэлъкъэрым и Прохладнэ куейм хыхьэ Благовещенкэ куейм щыщ Жданович Маргарита,  лирикэ сопрано макъ  зи1эм, иджыри сабийуэ къыгуры1уащ сценэмрэ музыкэмрэ и 1эпэгъуу псэуну зэрыхуейр. Абы къиухащ Минвод дэт музыкэ училищэр, иужьк1э Бытырбыху дэт консерваторием  щ1эт1ысхьащ. Сольнэ уэрэд жы1эным ар хурегъасэ Урысейм щ1ыхь зи1э и артисткэ Арсентьева Нина.

«Консерваториер си зачийр щыхэзгъахъуэ, абы зыщезгъэужь школщ, зэчийм и лъэныкъуэ псори на1уэ къыщыхъур зэпымыууэ узэлэжьыжмэщ, ар ц1ыхум псэухук1э къыдогъуогурык1уэ»- же1э Маргаритэ  kbr-time.ru порталым и корреспондентым епсалъэу. Ждановичым къыхегъэщ уэрэджы1ак1уэхэм ящыщу Кабалье Монсеррат  и творчествэм нэхъ зэрыдихьэхыр.

Маргаритэ  и япэ концертхэр 2012 гъэм къыщалъхуа Прохладнэ къалэмрэ Налшыкрэ щитащ. Абы игъэзэщ1ащ  урыс, хамэ къэрал композиторхэу  Беллини Франческо, Кюи Цезарь, Даргомыжский Александр, Гурилев Александр, Масканьи Пьетро, Пуччини Джакомо, Чайковский Петр, Сломинский Сергей, Римский-Корсаков Николай,  Рахманинов Сергей сымэ я ариехэмрэ   романсхэмрэ.

Сурэтыр kbr-time.ru порталым къыбгъэдэк1ащ

 Хъыбарыр адыгэбзэкIэ зэзыдзэкIар Тэмазэ Альбинэщ

Шэрджэс щэнхабзэмкIэ Къэлмыкъ Юрий и цIэр зезыхьэ «Адыгэ» фондым папщIэ