ДЕНЬ ПАМЯТИ И СКОРБИ В АДЫГЕЕ

АДЫГЭХЭМ Я ФЭЕПЛЪ МАХУЭМ ТЕУХУА ДАУЭДАПЩЭХЭР АДГЕЙМ ЩЫЗЭХЭТЩ 

Урыс-Кавказ зауэр зэриухрэ илъэси 149 зэррикъум теухуа дауэдапщэхэр Адыгей щок1уэк1. Республикэм пэк1ухэр щызэхэтынущ, зауэм хэк1уэда адыгэхэм   я фэеплъым деж удз гъэгъахэр щагъэт1ылъынущ.   

Урыс-Кавказ зауэр зэриурэ илъэси 149 зэррикъум теухуа дауэдапщэхэр нобэ Мейкъуапэ, ик1и Адыгейм и  щ1ып1эхэм щызэхэтщ.  

Республикэ псом пэк1ухэр  щок1уэк1, Урыс-Кавказ зауэм хэк1уэда адыгэхэм я  фэеплъым деж удз гъэгъахэр тралхьэ.

Адыгей республикэм и къалащхьэм 1уэхугъуэхэр  сыхьэт 17-м щыщ1идзэнущ. Апхуэдэу, Мейкъуапэ и  паркым  нэхъыщхьэм деж щыщ1эдзауэ  республикэ филармонием нэс щ1алэгъуалэр ирик1уэнущ. Абдежым пэк1у щызэхэтынущ, ик1и адыгэхэм я адэжь щ1ыналъэм къызэрагъэзэжым теухуа кинофильм «Черкесия. Возвращение» жыхуи1эр къагъэлъэгъуэнущ. 

«Урыс-Кавказ зауэр ди нэгум къыщыщ1эдгъэхьэжым, абы хэк1уэдахэр дигу къыщыдгъэк1ыжым деж дэ иджыри  зэ щыхьэт дытохъуэ ц1ыху гъащ1эм нэхърэ, лъэпкхэм я зэкъуэшыныгъэ, я зэкъуэтыныгъэм нэхърэ  нэхъ лъап1э зыри зэрыщымы1эр» - къыхигъэщащ Адыгей республикэм и 1этащхьэ Тхьэк1ушынэ Аслъэн.

 Авторыр Мэлбахъуэ Алийщ

Адыгэбзэк1э зэзыдзэк1ар Къэтей Муаедщ

Къалмыкъ Юрий и ц1эр зезыхьэ шэрджэс щэнхабзэм и фонд «Адыгэхэр»