МАЙКОП В ОЖИДАНИИ ФЕСТИВАЛЯ «ЗВЕЗДОЧКИ АДЫГЕИ»

V Дунэе фестивалэу «Адыгеим ижъогъожъыехэр» зыфиIорэр щыкIощтМыекъуапэ.

ЖъоныгъуакIэм и 14-м къыщегъэжьагъэу и 17-м нэс V Дунэе фестивалэу «Адыгеим ижъогъожъыехэр» зыфиIорэр щыкIощт Мыекъуапэ. Проектэу «Адыгеим ижъогъожъыехэр» - апэрэу исэнахъатыхэр къигъэлъэгъонэу амал егъоты. Ащ нэмыкIуэ зэфэщъхьаф хэкухэм ыкIи цIыфылъэпкъыхэм иякультурэ нэIуасэ ащыфэгъунхэу амал къареты.

Федеральнэ целевой программэу «Урысыем икультур (2012-2018-рэ илъэсхэр)» ыкIи республикэ целевой программэу культурэм, искусствэм ыкIи художественнэ гъэсэныгъэм хэхъоныгъэ ягъэшIыгъэным (2013-2015-рэ илъэсхэр) фэлажьэрэм къызэрэдилъытэу фестивалыр зэхащэ. V Дунэе фестивалэу «Адыгеим ижъогъожъыехэр» зэIуигъэкIэтых анахь творческэ Iэпэ­Iэсэныгъэ зыхэлъ кIэлэ­цIыкIухэр, орэдыIонымкIэ, къэшъо­нымкIэ, Iэмэ-псымэхэм къягъэIогъэ­ным­кIэ, художественнэ къеджэнымкIэ ыкIи цирк искусствэмкIэ зэфэшъхьаф чIыпIэ къарикIыхэрэр: Къэбэрдей-Балъкъэр республикэ, Къэрэщай-Черкес Республикэ,  Дэгъыстан Республикэм,Ингуш, Чэчэн республикэхэри, Краснодар Край ыкIи нэмыкI чIы­пIэхэм къарыкIыщт ныбжьыкIэхэр, ащ фэдэу  хэлэжьэ­щтых Абхъазым, Молдовэм, Украинэм, Осетием ыкIи адыгэхэр зыщыпсэорэ хэкухэм къикIищтых.

Фестивалым изэхэщакIохэу Урысые Федерацием ыкIи Адыгэ Республикэм культурэмкIэ яминистерствэхэр ыкIи Адыгэ Республикэм лъэпкъ культурэмкIэ и Гупчэ хагъэунэфыкIы анахъ пшъэрылъэ шъхьаIэу яIэр кIэлэцIыкIу хэм ыкIи ныбыныбжьыкIэхэм эстетическэ ыкIи духовнэ пIуныгъэ тэрэз ягъэгъотыгъэныр, лъэпкъ культурэм фэщэ­гъэнхэр ыкIи ащ уасэ фашIэу пIугъэнхэр, лъэпкъ ыкIи хэгъэгу зэфэшъхьафхэм ялIыкIохэр зэхэхьанхэр, зэрэшIэнхэр.

Фестивалым илъэси 6-м къыщегъэжьа­гъэу 22-м нэс зыныбжьхэр хэлэжьэнхэ фитых. Ахэр орэдыIонымкIэ, къэшъо­нымкIэ, Iэмэ-псымэхэм къягъэIогъэ­ным­кIэ, художественнэ къеджэнымкIэ ыкIи цирк искусствэмкIэ зэнэкъокъущтых.

Фестивалым ипрограммэ къыделъытэ лIыкIоу къэкIощтхэм япащэхэр зэхэща­кIохэм ыкIи творческэ коллективхэм аIукIэнхэу, гала-концерт къатыщт, шъошэ зэфэшъхьафхэр ащыгъхэу Мыекъуапэ иурамыхэм къащыкIощтых, мастер-классхэр къатынхэу, ыкIи нэмыкI Iоф­тхьаб­зэхэр.

Адыгэ къэралыгъо университетым ыкIи Мые­къопэ къэралыгъо технологическэ университетым ястудентхэм Африкэм, Монголием, Нигерием, Палестинэм, Сирием, Тыркуем, Марокко, Чад, Азербайджан ыкIи Туркмением ялъэпкъ творчествэ  фестивалым къа­гъэлъэгъощт.

ЖъоныгъуакIэм и 15-м сыхьатыр 9-м фестивалыр къыщызэ­Iуахыщт. V Дунэе фестивалэу «Адыгеим ижъогъожъыехэр» зыфиIорэр  сыхьатыр 6-м щегъэжьагъэу 11-м нэс фестивалым хэлажьэхэрэм гала-концерт къатыщт, анахь дэгъумэ шIухъафтынхэр ащ щаратыжьыщтых, фестивалыр ащ щаухыщт.

Угу къэдгъэкIыжьын, фестивалыр Адыгэ республикэм щызэхащэ 1997 илъэсым щегъэжьагъэу. Урысые Федерацием ыкIи Адыгэ Республикэм культурэмкIэ яминистерствэхэр,  Адыгэ Республикэм лъэпкъ IофхэмкIэ, IэкIыб къэралхэм ащыпсэурэ тилъэпкъэгъухэм адыряIэ зэпхыныгъэхэмкIэ  ыкIи къэбар жъугъэм иамалхэмкIэ апкъы къикIыкIэ 2009-рэ илъэсым фестивалым къырат Дунэем ашъэнэеу статус.