НАЛЬЧИК СТАНЕТ ЕЩЕ ЗЕЛЕНЕЕ

НАЛШЫК  НЭХЪ ЩХЪУАНТIЭЖ ХЪУНУЩ

«Жыг хэсэ» зыфIаща республикэ акцэм ипкъ иткIэ  мэлыжьыхьым и 20-м  Къэбэрдей- Бэлъкъэрым щыхасэнущ  жыгыщIэ 1600-рэ. Жыгхэр щыхасэнущ сабийхэмрэ щIалэгъуалэмрэ  я  творчествэмкIэ  республикэ уардэунэм и деж, апхуэдэуи Налшык и 2-нэ санаторэ-мэз  школым и хъуреягъкIэ.  

Езым я фIэфIыныгъэкIэ жыг хэсэн акцэм хэтыну  хуейхэм  мэлыжьыхь мазэм Iэмал яIэщ жыг мин 1600-рэ хасэну. Iуэхугъуэм и кIуэцIкIэ жыгыщIэхэр щыхасэнущ сабийхэмрэ щIалэгъуалэмрэ я творчествэмкIэ Налшык дэт республикэ уардэунэмрэ, къалэм и 2-нэ сэнэторэ- мэз школымрэ я хъуреягъкIэ.  Правительствэм и интернет-порталым хъыбар къызэритымкIэ  2013-нэ гъэр дыкъэзыухъурехь дунейм и илъэсу зэрагъэувам ипкъ иткIэ екIуэкIыну Iуэхугъуэхэм ящыщщ зи гугъу тщIыри.

«Акцэм и мурад нэхъыщхьэр цIыхухэм экологие гъэсэныгъэ ябгъэдэлъхьэнырщ, дыкъэзыухъуреихь дунейм  зэрыхуэсакъын хуейр зэхегъэщIыкIынырщ. Гуапэ тщыхъунут Iуэхугъуэм нэхъыбэу школакIуэхэмрэ, щIалэгъуалэмрэ къыхыхьэмэ»-  къыхигъэщащ республикэм щIыуэпсыр хъумэнымрэ экологиемкIэ и министр Гызыев Берт.

Акцэм хэтыну гукъыдэж ящIащ  КъБ-м лэжьыгъэмрэ социальнэ зыужьыныгъэмкIэ, егъэджэныгъэмрэ щIэныгъэмкIэ, узыншагъэр хъумэнымрэ курортхэмкIэ министерствэхэм я лэжьакIуэхэм.  ЖыгыщIэхэр  Горзеленхозымрэ  «Декоративные культуры» предприятэмрэ  къабгъэдэкIынущ.

Хъыбарыр зыгъэхьэзырар Мэлбахъуэ Алийщ

АдыгэбзэкIэ зэзыдзэкIар Тэмазэ Альбинэщ

Шэрджэс щэнхабзэмкIэ Къэлмыкъ Юрий и цIэр зезыхьэ «Адыгэ» фондым папщIэ