ПРОЕКТЫ СТУДЕНТОВ АДЫГЕИ В ЧИСЛЕ ЛУЧШИХ

Адыгей республикэм  щыщ студентхэм я лэжьыгъэхэр Урысей Ипщэ лъэныкъуэм нэхъыфIхэм щыхабжащ. Краснодар, щIыналъэ зэпеуэ щызэхэтам, проектхэм II-нэувыпIэр къыхуагъэфэщащ.

«Урысей Ипщэ щ1ыналъэм  и  студент хьэрычэтыщIэ проект нэхъыф1» зэпеуэм хэтащ Краснодар крайм, Астрахань областым, Калмыкъым, Адыгей республикэм я еджапIэ нэхъыщхьэхэу  7-м щеджэ студентхэр. Абы тек1уэныгъэ щызы1эрызыгъыхьэм 1эмал  игъуэтынут, дикъэралым и зэпеуэхэм хэтыну еджап1э нэхъыщхьэр зей щIыналъэр Мэзкуу къыщигъэлъэгъуэну.

Зэпеуэм лэжьыгъэ ирагъэхьахэм яхэтт, зы еджэгъуэ лъэхъэнэм къриубыдэу студент гупхэм ягъэзэщIа хьэрычэтыщIэ проектхэр. Апхуэдэу, гуп къэсыхукIэ зы унэт1эныгъэ щхьэхуэкъыхихат, хьэрычэт 1уэху къепхьэжьаиужь, узы1ууэ лъэпощхьэпохэр къыхигъэщу, абы узерэлэжьын щ1ык1эр къигъэлъагъуэу. Студентхэм къагъэлъагъуэн хуейт  абы и хэк1ып1эр, ар нэхъ тыншу зэрыпщ1ын хуеймк1э щапхъэхэр къахьын хуейт.

Апхуэдэу, Мейкъуапэ дэт технологие университетым щыщ «Enactus» командэм, «Мысли глобально, действуй локально» гупсысэм щIэту, зэхьэзэхуэм проектищ иригъэхьат.

Студентхэм я япэлэжьыгъэ «Welcome» зыфIащар теухуат, хамэ къэрал къикIа ныбжьыщIэхэм Мейкъуапэ щыпсэуныр, щеджэныр нэхъ тынш ящыщIыным.

Ет1уанэр проектыр,  «Воплоти свою мечту»  жыхуи1эр, хуэгъэзат Адыгейм и еджак1уэхэмрэ егъэджак1уэхэмрэ социальнэ-экономикэ, экологие и лъэныкъуэк1э республикэм и куейхэм лъэпощхьэпо къыщыхъухэр зэпкъырыхыным, абыхэм елъэжьыным  хуегъэджэным.

Ещанэ проектыр – «Социальнэ хьэрычэтыщIэм и школ».  Абы зыуэ щыт центрым и лэжьыгъэр къызэрегъэпэщ, икIи студентхэм, егъэджакIуэхэм хьэрычэтыщIэ проектхэр щатхк1э, ар щагъэзащ1эк1э  щIэгъэкъуэн мэхъу.  Абы къыщынэмыщIа центрыр республикэм щыпсэу хьэрычэтыщIхэм дэIэпыкъунущ.

Адыгейм тек1уэныгъэр къызэрихьар мыхьэнэ зи1э 1уэхугъуэщ, сыту  жып1эмэ,  мы проектхэр   ипэк1э республикэм  щагъэзэщ1ащ.

Мейкъуапэ дэттехнологие университетым и «Enactus» студент зэгухьэныгъэм икъукIэ щIэгъэкъуэн къыхуэхъуащ Адыгейм къэрал совет-хасэм и депутатхэр, республикэм ис хьэрычэтыщIхэр, икIи щIалэгъуалэ IуэхухэмкIэАдыгей республикэм щыIэ комитетым и лIыкIуэхэр.

Enactus командэм Адыгейр къыщигъэлъэгъуэнущ Мэзкуу щызэхэтыну зэпеуэм. Ар майм и28-29 махуэхэм ек1уэк1ынущ, ик1и абы щытек1уэм 1эмал игъуэтынущ Мексикэ къэралыгъуэм сентябрым и 29-м щыщ1эдзауэ – октябрь пщ1ондэ щызэхэтыну дунейпсо зэпеуэхэм  зыкъыщигъэлъагъуэну.

Фигу къэдгъэкIыжынщи, Enactus(ЩIэуэфIащар SIFE)- ар студентхэм я хьэрычэтыщ1э-лэжьыгъэхэр къыщагъэлъагъуэ дунейпсо программэщ. Абы и мурад нэхъыщхьэр социальнэ,  экологие, экономикэ и лъэныкъуэкIэ лъэпощхьэпо щыIэхэм елэжьын, ахэр зэпкъырихынырщ.

SIFE-Enactus программэр Краснодар щ1ыналъэм 2011 гъэ лъандэрэ къыщегъэлъагъуэ, крайм щы1э щ1алъэгъуалэ, студент хэрычэтыщ1эхэм щ1эгъэкъуэн  хуэхъу жылагъуэ зэгухьэныгъэм. (КК ОО ПМСП).

Урысейм «Enactus» зэпеуэхэр I998 гъэм щыщIэдзауэ щрагъэкIуэкI.