СЕГОДНЯ ВЫСАДЯТ 10 МЛН ДЕРЕВЬЕВ

НОБЭ ЖЫГ МЕЛУАНИ 10 ЯГЪЭТ1ЫСЫНУЩ

Экологие и лъэныкъуэк1э ди къэралым акцэ щек1уэк1ым ипкъ итк1э, нобэ жыг мелуани 10-м нэс хасэнущ. 1уэхугъуэм жыджэру хэтщ Адыгейр, Къэбэрдей-Бэлъкъэрыр, ик1и Къэрэшей-Шэрджэсыр.

Урысейпсо акцэм ек1уэк1ым жыджэру хэтщ  гъуазджэмрэ щэнхабзэмрэ я лэжьак1уэхэр, хьэрычэт 1уэхумрэ властымрэ, щ1ыналъэ ик1и федеральнэ хъыбарегъащ1э 1энат1эхэм я л1ык1уэхэр,  щ1алэгъуалэ жылагъуэ зэгухьэныгъэхэр, студентхэр, ик1и школак1уэхэр. 

Апхуэдэу,  акцэ ек1уэк1ым ипкъ итк1э Адыгей республикэм щыхасащ  жыг зэмыл1эужьыгъуэу мини6-м щ1игъу. Республикэм и бгылъэ щ1ып1эхэм деж  липа жыг л1эужьыгъуэм и аллею 4 щагъэт1ысащ, Афган зауэм хэтахэм я пэк1ум деж дубхэр щыхагъэт1ысхьащ.   

Къэбэрдей-Бэлъкъэрри жыджэру хэтщ акцэм. Апхуэдэу апрелым и 30-м, жыг мини 5-м нэс Хьэтокъущокъуэхэ я жыг хадэм, Налшык къалэ дэт тек1уэныгъэм и паркым   щагъэт1ысащ. Абы къыщынэмыщ1а,  Нарткъалэ и паркыр,  1уэхущ1ап1э зэмыл1эужьугъэхэм я щ1ып1эхэр ягъэдахэу  жыгыщ1э ц1ык1ухэр хэтщ.     

Майм и 17-м  республикэм щек1уэк1ащ эколог-краевед ныбжьыщ1эхэм я зэпеуэ. Абы тек1уэныгъэ щызы1эрызыгъэхьахэм Госкомлесым къыбгъэдэк1ыу щ1ыхь тхылъхэр ик1и саугъэт лъап1эхэр иратащ. 

Къэрэшей-Шэрджэсым 1уэхугъуэм дахэ ек1уэк1ым ипкъ итк1э, жыгыщ1э ц1ык1уу 200  щагъэт1ысащ «Зеленый остров» паркым. Псори зэхэту къапщтэмэ, а махуэм республикэм щыхасащ  жыг мини 4-м нэс. Ауэ абдежым къыщыувы1энукъым, ик1и лэжьыгъэм адэк1и пащэнущ.

Илъэс къэсыхунк1э Къэрэшей-Шэрджэсым жыгыщ1эхэр щыхасэ га 40-м. Абы дэщ1ыгъуу щ1алэгъуалэ къыдэк1уэтейр мэзым гулъытэ хэха зэрыхуэпщ1ын хуейм хурагъаджэ. 

Авторыр Аменет Псеушщ

Адыгэбзэк1э зэзыдзэк1ар Къэтей Муаедщ

 Къалмыкъ Юрий  и ц1эр зезыхьэ Шэрджэс культурэм и фонд «Адыгэ»