«СПАРТАК-НАЛЬЧИК» ОБЫГРАЛ «БАЛТИКУ»

«СПАРТАК-НАШЫКЫМ»  «БАЛТИКЭР» ХИГЪЭЩ1АЩ

«Спартак-Налшыкыр»   «Балтикэ» командэм Налшык  щыек1уащ.  «Спартак» стадионым щызэхэта джэгур налшыкдэсхэм 2-0 къахьащ, топи1три гъуащхьэтеуэ Алексей Аверьянов дигъэк1ащ.

Урысейм топджэгумк1э и лъэпкъ лигэм и зы чэзу зэ1ущ1эм хиубыдэу, «Спартак-Налшык» топджэгу командэм и деж  къеблэгъат Калининград и «Балтикэ» командэр.  Джэгур зэрыщ1идзэрэ куэд дэмык1ыу, налшыкдэсхэм  зы топ дагъэк1ащ.

 Къыхэгъыпщыпхъэщи, Спартакым и джэгуак1уэ Короновыр а пщыхьщхьэм зэрыджэгуам хуэдэу мы гъэм ар зэрымыджэгуар. 8-нэ дакъикъэм ар топджэгу губгъуэм и ижьырабгъумк1э ежэк1ри топыр Аверьяновым хуигъэжащ, ик1и абы бжыгъэр 1-0 ищ1ащ.  

17-нэ дакъикъэм «Балтикэр» къыхэжэнык1ыну 1эмал и1ащ, ауэ шынагъуэр гъуэм Засеевым щхьэщихащ.

Япэ таймыр имыух щ1ык1э,  Спартакым аргуэру зы гол дигъэк1ащ. Къыхэжэнык1ар ипэк1э зи гугъу тщ1а Аверьяновырщ.

«Нобэ «Спартакыр»  нэхъ тек1уэну зэрыхуейр нэрылъагъут. Си щ1алэхэр ф1ыуэ джэгуащ, ик1и зык1и згъэкъуэншэфынукъым. «Спартакым», республикэм, дэщ1ак1уэхэм  сохъуэхъу мыпхуэдэ командэ лъэщ фызэри1эмк1э» - къыжи1ащ «Балтикэ» командэм и тренер нэхъыщхьэ Перевертайло Евгений.   

2-0 бжыгъэм хьэщ1эхэр арэзы техъуэтэкъым, ик1и ет1уанэ таймыр абыхэм нэхъ жыджэру щ1адзащ, ик1и 1эмал зы - т1ущ я1ащ къыхэжэнык1ыну, ауэ абыхэм «Спартак-Налшыкым» и гъуащхьэтет Коченковыр икъук1э эран яхуэхъурт. 

Апхуэдэу, джэгур 2-0 иухащ.     

 «Дэщ1ак1уэхэм ф1ыщ1э ин яхуэсщ1ыну сыхуейщ, нобэ къак1уэу джэгур къызэрыдда1ыгъамк1э. Абы къыщынэмыщ1ауэ, щ1алэхэм тек1уэныгъэ кызэрахьамк1э сехъуэхъуну сыхуейщ.   Къыхэзгъэщынщи, нобэ хуэдэу ф1ыуэ дэ мыгъэм  дыджэгуакъым –къыжи1ащ, «Спартак-Налшык» топджэгу командэм и тренер нэхъыщхьэ Шыпш Тимур.

Тек1уэныгъэм и ф1ыгъэк1э  дэ ещанэ увып1эм дыкъэнащ, ик1и абы 1эмал къыдет, илъэс дызыхуэк1уэм Премьер-лигэм дык1уэн  папщ1э дыджэгуну.Мы зэманым 4-нэ увып1эр зы1ыгъ Хабаровск и «СКА-Энергия» командэми апхуэдэ 1эмал игъуэтащ.

Премьер-лигэм дыщыджэгун папщ1э дызэрыджэгун хуей стыковой матчхэр майм и 30-мрэ июным и 4 здыджэунущ. Спартакым  хьэрхуэрэгъу къыуэхъуныр къыщищ1эныр майм и 26-рщ.  

Авторри адыгэбзэк1э зэзыдзэк1ари Къэтей Муаедщ

Къалмыкъ Юрий и ц1эр зезыхьэ Шэрджэс щэнхабзэм и фонд «Адыгэхэр»