Адыгейм туризмэ унэтIыныгъэм хурагъаджэ студентхэм я щIэныгъэм щыхагъэхъуэнущ Италием. Еджэныгъэ программэр Адыгеймрэ Италием и Тироль Ипщэм хиубыдэ Больцано щIыналъэмрэ зэдэщIыгъуу зэхагъэуващ.

«Адыгеймрэ Италием и Тироль Ипщэм хиубыдэ Больцано щIыналъэмрэ я унафэщIхэр зэгурыIуэри туризмэ унэтIыныгъэм щылэжьэну IэщIагъэлIхэр зэрагъэхьэзырыну программэр зэхагъэуващ, а программэм ипкъ иткIэ студентхэр Италием кIуэнущ»- къет Юга.ру хъыбарегъащIэ интернет порталым. Республикэм туризмэм зэрызыщиужьым къыхэкIыу, иджырей мардэхэм къитIасэ курорт щаухуэн папщIэ щIыналъэр хуэныкъуэщ IэщIагъэлIхэм.

«Ди щIыналъэхэр- Адыгеймрэ Тироль Ипщэмрэ- хуабжьу зэщхьщ: инагъкIи, сэтей, бгылъэ щIыпIэхэм я зэхэтыкIэкIи, климаткIи. Иджыпсту Iэмал диIэщ Италием и лэжьыгъэ опытыр ди деж къыщыдгъэсэбэпыну»- къехь Iэтащхьэ ТхьэкIущынэ Аслъэн и псалъэхэр абы и пресс IуэхущIапIэм.

Италием щIэныгъэр зэрыщыхагъэхъуэну программэри, туризмэм щыхуагъэхьэзыр колледж республикэр зэрыхуэныкъуэри япэу къыхэзылъхьар ТхьэкIущынэрщ.

ДэщIыдгъунщи, ищхьэкIэ зи гугъу тщIа щIыналъэхэм- гъунэгъу республикэмрэ Италием и Тироль Ипщэмрэ- зэныбжьэгъугъэ зэпыщIэныгъэхэр я зэхуаку дэлъщ. Мэкъумэш хозяйствэмкIэ Больцано и министыр Бергер Карл Йоханнрэ ТхьэкIушынэ Аслъэнрэ гъэ кIуам и жэпуэгъуэ мазэм дэфтэрым Iэ щIадзащ.

Хъыбарар зыгъэхьэзырар Мэлбахъуэ Алийщ

АдыгэбзэкIэ зэзыдзэкIар Тэмазэ Альбинэщ

Шэрджэс хабзэмкIэ Къэлмыкъ Юрий и цIэр зезыхьэ «Адыгэ» фондым папщIэ

Нравится

Еще записи по теме

сегодня

15 июня 2025 года

В этот день

1561 г. – в Москву прибыла дочь Темрюка Идарова Гошанэ, невеста Ивана IV.
Родились:
1914 г. – Юрий Андропов, государственный и политический деятель ССР.
1929 г. – Аслан Туаршев, черкесский писатель.
1945 г. – Юрий Пшигошев, певец, заслуженный артист КБР.

Все новости