В КБР ОЦЕНЯТ «МОДНУЮ ПАЛИТРУ»

КЪЭБЭРДЕЙ-БЭЛЪКЪЭРЫМ ЩЕК1УЭК1ЫНУЩ «МОДНАЯ ПАЛИТРА» ФЕСТИВАЛЫР

Прохладнэ къалэм щэнхабзэмкIэ и унэм мэлыжьыхьым и 11-м щызэхэтынущ дизайнер щIалэгъуалэм я ещанэ къалэ фестиваль. «Модная палитра» зыфIаща Iуэхугъуэм хэтыну цIыху тIощIыр гупитIу угуэшауэ щытынущ, япэ гупым хэтынущ илъэс I5 ныбжьым нэхърэ мынэхъыжьхэр, етIуанэм-илъэс 30-м емыбэкъуахэр.

Зэпеуэм унэтIыныгъэ зыбжанэм нэхъыфIхэр къыщыхахынущ: «Этно-стиль», «De Lux», «Перфоманс», «Малахитовая шкатулка» жыхуиIэхэм, апхуэдэуи «20I3-нэ гъэм и модель нэхъыфI» зэпеуэр щхьэхуэу екIуэкIынущ.

Жюрим къипщытэнущ лэжьыгъэхэр зыгъэзэщIахэм я IэпщIэлъэпщIагъыр, я Iуэху бгъэдыхьэкIэм хэлъ щIэрыщIэхэр, IэдакъэщIэкIхэр утыку къызэрырахьэ щIыкIэр (режиссурэр, мэкъамэр), зэпеуэм хэтхэм къагъэлъагъуэ щыгъынхэр я ныбжьым зэрыхуэкIуэр. ТекIуахэм дипломхэмрэ ахъшэ саугъэтхэмрэ иратынущ, зэпеуэм хэта псоми сертификатхэр IэщIалъхьэжынущ.

Коллекцэ нэхъыфIхэр «Стильный акцент» щIыналъэ зэпеуэм хэтынущ.

Зэхьэзэхуэр Прохладнэ къалэ администрацэм щэнхабзэмкIэ, щIалэгъуалэ Iуэхухэмрэ спортымкIэ и отделым «Урысей зэкъуэт» полит партым щIыпIэм щиIэ къудамэр и щIэгъэкъуэну иригъэкIуащ. Зэпеуэр екIуэкI «2012-2014-нэ гъэхэм КъБ-м и Прохладнэ округым щэнхабзэм зыщегъэужьын» программэм ипкъ иткIэ. Программэм и мурадщ конструкцэ, модель зэмылIэужьыгъуэхэм, щыгъын, вакъэ дыным дихьэх творческэ щIалэгъуалэм и зыужьыным гулъытэ нэхъыбэ хуэщ1ыныр.

Хъыбарыр зыгъэхьэзырар Пшеуш Аменетщ

Адыгэбзэк1э зэзыдзэк1ар Тэмазэ Альбинэщ

Шэрджэс хабзэмк1э Къэлмыкъ Юрий и ц1эр зезыхьэ «Адыгэ» фондым папщ1э

1774 г. – заключен Кючук-Кайнарджийский мирный договор между Россией и Турцией, по которому Кабарда признана частью России.
1955 г. – Тырныауз и Докшукино (КБАССР) преобразованы в города.
Родились:
1910 г. – Александр Глуховцев, график, заслуженный художник РСФСР, оформитель книг «Нарты» (1962), «Песни живших до нас» (1967), «Сказки седых гор» (1968).
1917 г. – Юсеф ас-Сибаи, Генеральный секретарь Организации солидарностинародов Азии и Африки, председатель Союза писателей Египта, лауреат премии «Лотос».
1925 г. – Леонид Эркенов, кабардинский режиссер, народный артист РФ.
1949 г. – Алла Инарокова, доктор медицинских наук, профессор, академик АМАН.
1961 г. – Мухарби Тамов, черкесский ученый, доктор с/х наук.