В КЧР ОТКРЫЛАСЬ ШКОЛА БЛОГГЕРОВ

БЛОГЕРХЭМ  Я  ШКОЛ  КЪЭРЭШЕЙ- ШЭРДЖЭСЫМ КЪЫЩЫЗЭIУХАЩ

«Мэшыкъуэ 2012» Кавказ щIалэгъуалэ форумым и проектхэм я гъэзэщIэным хэту Къэрэшей-Шэрджэсым къыщызэIухащ  блогерхэм папщIэ япэ пщIэншэ школ. Проектым и унафэщIыр  грант къэзыхьа, блоггер,  Шавтикова  Мадинэщ.

Къэрэшей –Шэрджэсым къыщызэIуахащ  блоггерхэм я школ. Проектым и унафэщIыр  «Мэшыкъуэ  2012»  форумым грант къыщызыхуагъэфэща Шавтикова Мадинэщ.

Школыр къыщызэIуахым  екIуэкIа зэIущIэм хэтащ Къэрэшей- Шэрджэсым щIалэгъуалэ IуэхухэмкIэ и Управленэм и унафэщI Ерчэн Андзор,  Кавказым и журналистхэм я зэгухьэныгъэм хэтхэу Мусаев Ражап (Шэшэн республикэ), Ермаков Денис (Ставрополь щIыналъэ), Макроусов Алексей (Къэбэрдей-Бэлъкъэр), Байсаров Магомед  сымэ (Шэшэн республикэ).

Проектым и унафащIым зэрыжиIамкIэ Къэрэшей-Шэрджэсым блоггосфера зызыужьа иIэу  щыткъым. «Адрей республикэхэм я интернет  хъыбарегъащIэ IэнатIэхэм  фIагъ ин иIэу хъыбарыщIэхэр икIэщIыпIэкIэ цIыхухэм я деж зэрынагъэсыр слъагъурт,  икIи къызгурыIуэрт дэ ди щIыналъэм апхуэдэ къызэрыщемыкIуэкIыр. Абы къыхэкIыу, мурад сщIащ ,Iуэхугъуэм   пэщIэдзэ сыхуэхъуну» - жеIэ абы.  Мы зэманым школым  щрагъаджэ  цIыху 20, IэщIагъэкIи ныбжькIи зэтемыхуэу.

«Ноутбукхэр, еджэныгъэм къыщыдгъэсэбэпыну нэгъуэщI хьэпшыпхэр къэтщэхуащ. Блогосферэм и щэхухэм щыгъуазэ дощI еджакIуэхэр, ауэ  абыхэм дэтхэнэ зыми езым и тхэкIэ и Iуэху еплъыкIэ иIэжу езыр-езыру зрагъэсэжын  хуейщ»- жеIэ Шавтиковэ Мадинэ.

Къыхэгъэщыпхъэщ, проектхэм я гъэзэщIэным Къэрэшей –Шэрджэсым щIалэгъуалэ IуэхухэмкIэ и Управленэр щIэгъэкъуэн зэрыхуэхъур.

Хъыбарыр зыгъэхьэзырар Мэлбахъуэ Алийщ

АдыгэбзэкIэ зэзыдзэкIар Тэмазэ Альбинэщ

Шэрджэс щэнхабзэмкIэ Къэлмыкъ Юрий и цIэр зезыхьэ «Адыгэ» фондым папщIэ