В КЧР ПРОШЛИ СКАЧКИ, ПОСВЯЩЕННЫЕ 9 МАЯ

Хэку зауэшхуэм ди къэралым тек1уэныгъэ къызэрихьрэ илъэс 68 зэррикъум и щ1ыхьэк1, Къэрэшей-Шэрджэс республикэм хыхьэ Хьэбэз аулым шыгъажэ щызэхэтащ. Апхуэдэу, жокей Авизба Джубей, Райза зи ф1эщыгъэц1э шым тесу, Къалмыкъ Юрий и ц1эк1э къызэрагъэпэща саугъэтыр ихьащ.

Ди къэралым Хэку зауэшхуэм тек1уэныгъэ къызэрыщихьрэ мы гъэм, майм и 9-м илъэс 68 ирикъунущ. Абы теухуауэ Къэрэшей-Шэрджэс республикэм и Хьэбэз куейм хыхьэ Хьэбэз аулым и ипподромым шыгъажэ щызэхэтащ. Абы псори зэхэту шы 59 къыщагъэжащ, Урысейм и Ипщэ лъэныкъуэм щыщхэу. Ахэр щ1эбэнат мыпхуэдэ саугъэтхэм:

-Япэ увып1э къэзыхьахэм автомобиль LIFAN зэрыз иратащ.

- Ет1уанэхэм сомин 50 000 дэтхэнэ зыми хуэзэу.

-Ещанэ хъуахэм сомин 30 000 иратащ.

Апхуэдэу, Къалмыкъ Юрий и ц1эк1э къызэрапэща саугъэтыр ихьащ жокей Авидзба Джубей, Райза зыф1аща щы къарэм тесу.

Жокей Рамазан Гусейновыр, илъэсищ хъу шы «Истребител»-ым тесу, Арашыкъуэ Турбий и ц1эк1э яубзыухуа саугъэтыр зы1эригъэхьащ.

Хьэпсырокъуэ Назир и ц1эк1э къызэрагъэпэща саугъэтыр ихьащ Сайтгелеев Ильган илъэсищ хъу шы «Фрут Хип» тесу.

Мыркаков Рамазан «Сольфеджио» шым тесу Станислав Дерева и ц1эк1э яубзыхуа саугъэтыр къищтащ.

Абыхэм къыщынэмыщ1а, ипэк1э зи гугъу тщ1а жокей Авидзбе Джубей, шы Райзам тесу ихьащ Къэрэшей –Шэрджэс республикэм и 1этащхьэ Темрезов Рашид и ц1эк1э къызэрагъэпэща саугъэтыр.

Къэрэшей-Шэрджэс республикэм и 1этащхьэ Темрезов Рашид къызэхуэсахэм, ик1и зэпеуэхэм хэтахэм псалъэ гуапэк1э захуигъуазащ, ехъуэхъуащ махуэ лъап1э дызыхуэк1уэмк1э, ик1и къыжи1ащ Хьэбэзым щрагъэк1уэк1 мыпхуэдэ зэпеуэхэм илъэс къэс ц1ыху нэхъыбэ зэхуишэсыну.

Къэхэдгъэщынщи, зэхьэзэхуэм и къызэгъэпэщак1уэ Арашыкъуэ Рауль илъэс 1эджэ щ1ауэ шыхэм хэтщ. Абы ишхэм, илъэс къэсыхунк1э зэф1эк1 ин къыщагъэлъауэ сыт хуэдэ зэхьэзэхуэ хэмытми.

Авторыр Аменет Псеушщ.

АдыгэбзэкIэ зэзыдзэкIар Къэтей Муаедщ

ДЕНЬ РАБОТНИКА МИГРАЦИОННОЙ СЛУЖБЫ РФ
ВСЕМИРНЫЙ ДЕНЬ ДОНОРА КРОВИ
1936 г. – образовано Управление искусств КБАО.
Родились:
1955 г. – Мугдин Тлехас, адыгский поэт, драматург, педагог.
1964 г. – Екатерина Танокова, мастер спорта международного класса, четырехкратная чемпионка мира, трехкратная чемпионка Европы по пауэрлифтингу.
1964 г. – Олег Хашукоев, кабардинский поэт, журналист
1971 г. – Бэлла Аброкова, кабардинская радиожурналистка, поэтесса.