В МИСИС ПРОШЕЛ ФЕСТИВАЛЬ НАЦИОНАЛЬНЫХ КУЛЬТУР

 Мэзкуу дэт Гъущ1ымрэ Гъущ1 зэхэгъэвахэмрэ щ1адж  институтым щызэхэтащ лъэпкъ культурэмк1э фестивал

Ди къэралым Хэку зауэшхуэм тек1уэныгъэ иныр къызэрихьам и щ1ыхьк1э, Мэзкуу къалэ дэт гущ1ымрэ гъущ1ык1эмрэ и  институтым  и щэнхабзэмк1э и унэм щызэхэтащ, лъэпкъ культурэмк1э фестивал. Абы зыкъыщагъэлъэгъуащ Азербайджаным, Армением,Бакортостаным, Бурятием, Куржым, Къалмыкъым, Къыргъызым, Къэрэшей-Шэрджэсым, Къэбэрдей-Бэлъкъэрым, Мордовием, Тэтэрым, Тыва республикэм, Шэшэным, Ингушым, ик1и Якутием щыщ творческэ зэгухьэныгъэхэм.  

Къызэгъэпэщак1уэхэм къызэрыхагъэщымк1э, 1941-1945 гъэхэм ек1уэк1а Хэку зауэшхуэм ди хэкуэгъухэм щызрахьа л1ыгъэр иджырей щ1алэгъуалэм ф1ыуэ ящ1эркъым, куэдми ящогъупщэж.  Абы ипкъ  итк1э, фестивал ек1уэк1ам и    мурад нэхъыщхьэу щытар  Совет сэлэтхэм Хэку зауэшхуэм л1ыгъэ щызэрахьар иджырей щ1алэгъуалэм ягу къэгъэк1ыжынырщ, ныбжьыщ1э къыдэк1уэтейр  хэкупсэу гъэсэнырщ, ик1и лъэпкъ къэсыхунк1э езым я  культурэр хъумэным къыхуеджэнырщ. 

Апхуэдэу фестивалым ипкъ итк1э стол хъурей  ек1уэк1ащ. Ар теухуат, «Урысейм, СССР-ым ис лъэпкъхэм Хэку зауэшхуэм тек1уэныгъэ щызы1эригъэхьам  хэлъхьэныгъэ хуащ1ахэм. Абы къщынэмы1ауэ,  лъэпкъ къэсыхунк1э я щ1ыгъынхэр, музыкальнэ  1эмэпсымэхэр къыхэщу выставкэ зэхэтащ.   

Нэгузыужь программэр Хэку ззауэшхуэм теухуа Лазер шоумк1э къызэ1уахащ, адэк1э  художественнэ, творческэ коллективхэм къафэхэр ягъэзэщ1ащ, уэрэдхэр бзэ зэмыл1эужьыгъуэхэмк1э жа1ащ.  

Фестивалым хэтащ, Урысейм и щ1ыналъэм, ик1и нэгъуэщ1 къэралхэм къабгъэдэк1ыу творческэ зэгухьэныгъэхэр. Псалъэм папщ1э Башкортостаным, Бурятием,  Къалмыкъым,  Къэрэшей-Шэрджэсым, Къэбэрдей-Бэлъкъэрым, Мордовием, Тэтэрым, Тывам, Шэшэным, Ингушым, Якутием, Азербайджаным,Армением, Куржым,   Къыргъызым, ик1и  Туркменистаным щыщхэу.  

Зэ1ущ1эм еплъыну кърихьэл1ахэр 1эгуауэ инк1э артистхэр сценэм къыщрагъэблэгъащ. Шэрджэс культурэм и фонд «Адыги»-м и  ансамбль «Черкессия»-р шэрджэс къафэмк1э къызэхуэсахэр игъэгуф1ащ. 

Фестивалым кърагъэблэгъа хьэщ1э лъап1эхэм яхэтащ Хэку зауэшхуэм и ветеран, Мэзкуу зыхъумахэм ящыщ Гицевич  Лев,  Александр и къуэр.  Зауэ нэужь зэманым ар Кремлым щылэжьащ Сталинымрэ Хрущевымрэ  къэралым и унафэщ1у  щытетам щыгъуэ.  Сценэм къыщыпсалъэу ар псоми ехъуэхъуащ, узыншагъэ, насып я1эну,  ик1и лъэпкъхэм я зэхуакум сытым дежи  зэгуры1уэныгъэ дэлъу псэуну къыхуриджащ. 

Зэхуэсым и къызэгъэпэщак1уэхэу къэуващ, Урысейм и  щ1алэгъуалэм   и  зэкъуэтыныгъэмк1э щы1э оргкомитетыр,    Кавказым ис лъэпкъхэм я Урысейпсо конгрессыр, «Эльбрусоид» фондыр. 

Абыхэм щ1эгъэкъуэн яхуэхъуащ Щэнхабзэмк1э Мэзкуу къалэ администрацэм и департаментыр,  ди къэралым и къалащхьэм  дэтц гъущ1ымрэ гъущ1ык1эмрэ и  институтыр, «Госклуб» Фондыр,   Къалмыкъ Юрий и ц1эр зезыхьэ Шэрджэс культурэм и фонд «Адыгэ», ик1и «Россия для всех» хъыбарегъащ1э порталыр. 

Зэ1ущ1эр езык1уэк1ахэр Исраилова Асярэ Ретуев Михаилрэщ.

Урысмэмбэт Марьянэ. Сурэтыр Васильев Тамерлан трихащ

Адыгэбзэк1э зэзыдзэк1ар Къэтей Муаедщ

Къалмыкъ Юрий и ц1эр зезыхьэ Шэрджэс культурэмк1э фонд «Адыгэ»