ЗНАКОМЬТЕСЬ, INDIRA

Зэвгъэц1ыху,  INDIRA…

Абы и уэрэд «Я буду верить» зыф1ищар Интернетым мини 10 щ1игъурэ кърахащ, ик1и   уэрэдыр 2012-13 гъэхэм я уэрэд нэхъыф1хэм я бжыгъэм хэхуащ. Мы зэманым Къэбэрдей –Бэлкъэрым щыщ уэрэджы1ак1уэ ныбжьыщ1эм уэрэд иусам    «Тор 100» сборникым япэ увып1эхэр щеубыд.   Куэдым упщ1э зратыж..Хэт а уэрэджы1ак1уэр? Дэнэ щыщ ар?А зэман к1эщ1ым дауэ ц1эры1уэ зэрыхъуар? Гъэщ1эгъуэн…? Дэ зыхуэдгъазэри депсэлъащ уэрэжы1ак1уэ ныбжьыщ1эм.   Зэвгъэц1ыху, INDIRA….

Щ1ЭДЗАП1Э

Сэ сыкъыщалъыхуар Налшык къалэрщ.   Илъэсибгъу сызэрыхъу лъандэрэ, къафэк1э зызогъасэ - ипэк1э адыгэ, ит1анэ бальнэ къаэф1эхэм сыхэтащ.   Илъэс 11 сыщыхъуам  музыкэ школым деж щы1э школ – гимназием уэрэд жыс1эн щыщ1эздзащ.  Ауэ, пэжыр жып1эмэ, уэрэд жы1ыныр  сигу ирихьтэкъым, занятиехэм иныкъуэхэм деж  сык1уэртэкъым.  Къызэрывгуры1уащи, сыщыц1ык1ум щыгъуэ,  уэрэджы1ак1уэ сыхъуну си мурад щхьэпэу щытакъым.  

   Уэрэд жы1ыным игъусэу, атлетикэ псынщ1эм зы илъэск1э сыхэтащ. Иужьк1э,  «Нур» къэф1ак1уэ ансамблым сырисолисткэу сыщытащ.  Къафэхэр  псори лъапэк1э сыщыту сыкъэфэфыну. Абык1э  адрейхэм сакъыщхьэщык1ырт. Щ1алэ ц1ык1ухэм  деж сыщызгъэщ1агъуэт. 

Илъэс 18 сыщыхъум, «Пирамида» рок-группам сыри вокалисткэт.   А зэманым  сэ си гугъэт,  уэрэжы1эныр 1эщ1агъэ  щхьэпэу срилэжьэну. Ауэ си адэр нэгъуэщ1ут абы зэреплъыр. «Уартистыныр – ар 1эщ1агъэкъым»  - жи1эт си адэм. Иужьк1э, си адэ-анэм я жэрдэмк1э сэ сыщ1этысхьащ Къэбэрдей-Бэлъкъэр къэрал мэкъумэш академием финансхэмк1э и факультетым. 

ЕДЖЭНЫГЪ

Еджап1э нэхъыщхьэм сыщыщ1эсым щыгъуэ, сэ сыхэтащ  «Студентхэм я гъатхэ» зэпеуэм. Абы   грамота зэмыл1эужьыгъуэхэр  къыщысхуагъэфэщащ. 

2007 гъэм ипэхэм  сыдэк1уэри,  Италие къэралыгъуэм зэрыунагъуэу  ды1эпхъуащ.  А зэманым ди мурадтэкъым, щ1ып1эм къэдгъэзэжыну.    Модэмрэ дизайнмрэ Италием  икъук1э  сыщыдихьэхри,  а унэт1эныгъэмк1э лэжьэн щыщ1эздзащ. Абы сыщыпсэурэ  седжэри,  иджыри зы диплом зы1эрызгъэхьащ.   

Компание сыщылажьэм  ц1ыху яхуейт, модэм ф1ыуэ хищ1ык1ыу. Абыхэм  Италием сырэрызек1уэ гъуэгу уасэхэр  схуратт, ауэ сэ сыхуейт дизайнеру седжэну, а унэт1эынгъэмк1э еджап1э нэхъыщхьэ къэзухыну.  Апхуэдэу, унэм сыщ1эсу, Интернетк1э,  Корея Ипщэм дэт университетыр къэзухащ, Мэзкуу Юрист факультетыр дэщ1ыгъуу. 

Иужьк1э   Италием дыкъик1ыжри, дэ Урысейм къэдгъэзэжащ.    Уэрэд жы1эным нэхъ гулъытэ хэха есту сыхуежьащ.  Мы зэманым      мурадыр си 1ыхьлыхэм къызда1ыгъ, ауэ си гур уэрэдымк1э зэрыщы1эр   илъэс 1эджэ дэк1а иужьщ  абыхэм къащыгуры1уар.  

 СИ МУРАДХЭР

Куэд мыщ1эу, иджы си  япэ клипыр тесхащ «Я буду верить» уэрэдыр щ1эту. Роликыр щытрахар Къэбэрдей-Бэлъкъэрыращ.  Ар ди республикэм  щытесхыну сыхуей, сыт щхьэк1э жып1эмэ,     си япэ лъэбакъуэхэм ди щ1ыналъэращ щысчар.   

Интеренетым тхьэмахуэ зэрилъам и к1уэц1к1э  «Я буду верить»   уэрэдыр    мини 10 щ1игъурэ кърахащ, ик1и жылагъуэр хуабжьу къигъэт1эсхъащ. 

 Ипэк1э си мурадщ сэ езым си альбом стхыну.   Си зэф1эк1ыр здынэсыр кэсщ1эным си дежк1э мыхьэнэшхуэ и1эщ.  Къызэхъул1эрэ къызэмыхъул1эрэ зэманым къигъэлъэгъуэнщ.    

Зытхар Урысмамбэт Марьянэщ 

Адыгэбзэк1э зэзыдзэк1ар Къэтей Муаедщ

Къалмыкъ Юрий и ц1эр зезыхьэ Шэрджэс фонд «Адыгэ»