В КБР ПРОШЛА ПРЕМЬЕРА «КОРОЛЯ ЛИРА»

«КОРОЛЬ ЛИР» ТЕАТР ПОСТАНОВКЭМ И ПРЕМЬЕРЭР КЪЭБЭРДЕЙ- БЭЛЪКЪЭРЫМ ЩЕК1УЭК1АЩ

Шекспирым и «Король Лир» пьесэм и премьерэ щекIуэкIащ Урыс драмэ театрым. Пьесэр игъэуващ театрым и режиссер нэхъыщхьэ Теувэж СулътIан. Лир Королым и ролыр игъэзэщIащ артист Гусейнов Хъусен.

Театр постановкэм къэрал мылъкур щIэгъэкъуэн хуэхъуащ. Гъэ кIуам КъБ-м и Iэтащхьэм и унафэкIэ творческэ проектхэр ирагъэзэщIэну грант хуагъэуващ республикэм и театр гуп зыбжанэм- МузыкэмкIэ театрым, ШоджэнцIыкIум и цIэр зезыхьэ адыгэ драмэ театрым, апхуэдэуи Горький Максим и цIэр зезыхьэ урыс драмэ театрым.

Спектаклыр гугъуехьхэр пыщIауэ ягъэуващ: урыс театрыр зэрыремонтым къыхэкIыу труппэм и репетицэхэр ныбжьыщIэхэм я республикэ библиотекэм щекIуэкIащ, езы премьерэр адыгэ театрым къыщагъэлъэгъуащ, къыщынэмыщIауэ, артисхэр зэрымащIэм къыхэкIыу, нэгъуэщI гупхэм хэт артист зыбжанэ кърагъэблэгъащ.

«Шекспирым и IэдакъэщIэкIхэм сызэрыцIыкIурэ сыдехьэх, адэ-анэмрэ бынхэмрэ я зэхущытыкIэр къэбгъэлъэгъуэну сыт хуэдэ зэманми игъуэщ»- жеIэ Теувэж СулътIан.

Пьесэр гъэкIэщIауэ къагъэлъэгъуащ: Лир Королымрэ абы ипхъухэмрэ я къекIуэкIыкIам фIэкIа хэтакъым, Iуэхур къызэрекIуэкIым цIыхухэр щыгъуазэ ищIащ, Iыхьэхэр зэпищIащ ажэгъафэм.

«Гусейновым Лирым и ролыр зэригъэзэщIамкIэ хуабжьу сыарэзыщ. ИпэкIэ постановкитIым сыщыдэлэжьащ мы артистым, IутIыж Борис и «Эдип» пьесэм Тереций и ролыр зэригъэзэщIар хьэлэмэт сщыхъуати, иджы Лирыр къызэригъэлъэгъуар сфIэтелъыджэщ»- жеIэ Теувэжым.

И ролым и гугъу щищIкIэ Гусейновым къыхегъэщ королыр куэдрэ ипхъухэм зэребгыр, зэрытеатрыр пщIэми а псалъэхэр жыпIэну зэрымытыншыр, езы пащтыхьми ар къызэрехьэлъэкIыр, дауэ щымытми быныр- бынщ.

Спектаклым хэтащ КъБ-м щIыхь зиIэ и артистхэу Кулахметова Рушания, Балъкъыз Валерий, Балъкъыз Юрий, артисхэу Каграманян Станислав, Каграманян Грант, БатI Залинэ сымэ.

Спектаклым и премьерэр тIэу екIуэкIащ, ар хуабжьу цIыхухэм ягум къыдыхьащ.

Хъыбарыр зыгъэхьэзырари сурэтыр тезыхари Бабаева Ингэщ

Адыгэбзэк1э зэзыдзэк1ар Тэмазэ Альбинэщ

Шэрджэс хабзэмк1э Къэлмыкъ Юрий и ц1эр зезыхьэ «Адыгэ» фондым папщ1э

1774 г. – заключен Кючук-Кайнарджийский мирный договор между Россией и Турцией, по которому Кабарда признана частью России.
1955 г. – Тырныауз и Докшукино (КБАССР) преобразованы в города.
Родились:
1910 г. – Александр Глуховцев, график, заслуженный художник РСФСР, оформитель книг «Нарты» (1962), «Песни живших до нас» (1967), «Сказки седых гор» (1968).
1917 г. – Юсеф ас-Сибаи, Генеральный секретарь Организации солидарностинародов Азии и Африки, председатель Союза писателей Египта, лауреат премии «Лотос».
1925 г. – Леонид Эркенов, кабардинский режиссер, народный артист РФ.
1949 г. – Алла Инарокова, доктор медицинских наук, профессор, академик АМАН.
1961 г. – Мухарби Тамов, черкесский ученый, доктор с/х наук.